Ang MARK AND LENNY ay isang maikling pelikulang romantic comedy-drama tungkol sa relasyon ng isang baklang estudyanteng si Ren sa dalawang lalaking aktibistang naging malapit sa kanya - sina Mark at Lenny. Ang una'y isang aktibistang nag"full time" sa kanayunan, samantalang si Lenny ang nakasama niya habang wala si Mark sa siyudad. Iikot ang kwento sa pagtalikod ni Ren kay Lenny sa paniniwalang magbabalik pa si Mark, ngunit puno’t dulo’y mapagtatanto ni Ren na si Lenny pala ang tunay niyang nais makasama.

Dalawang teorya ang pagtutuligsain sa naratibo nina Mark, Lenny at Ren: una'y ang Marxismo-Leninismo-Maoismo na siyang batayang ideolohiya ng mga aktibista sa pagsulong ng Digmang Bayan; at ang Queer Theory na nagbabali ng mga binaries ng lipunan sa pagpapakilala ng mga identidad at kasariang kinakailangan din ng presensya sa lipunan at sa midya.